Ghazal aur nazm may farq:
Ghazal ka her she'r amoman (generally) mukhtalif maZameen(subject) per mushtamil hota hai , iska pehla she'r matla' kehlaata hai , jis ke donoN miSre'y hum radeef hum Qaafiaa hote haiN , baaQi asha'ar ke misra'-e-caani (dusra misra)meN Qaafia radeef hota hai aakhri she'r jis meN shaa'ir ka takhalus ho maQta' kehlaata hai , sub se ache she'r ko "shah bait" kehte haiN
ghazal kaa unwaan naheeN hotaa .
GHazal in 4 per mushtamil hoti hai
- (a) radeef
- (b) qaafiya
- (c) matla'
- (d) maqta'
Qafia ghazal me aane wale hum'awaz or hum'wazn alfaz hote hain jo shair k radeef se pehle aate hain
Radeef:
radeef qafia k bad bar bar aane wala lazf hota hai.
MAtla:
Matla ka amtlab hay talu ya shuroo hone ki jaga Ghazal k pehle shaer ko Matla kehte hain
Maqta:
Maqta ka matlab hay qata karna ya khatam hone ki jaga ghazal k akahri shaer ko maqta kehte hain.
Nazm:-nazm ke lughvi maa'ni haiN "Peerona"
nazm ko aik hee mazmoon (subject) per bayaan kiyaa jaataa hai. is kaa har sher ek doosre se juRaa hotaa hai aur sab mil kar ek hee mazmoon (subject) bayaan karte hain aur nazm kaa ek unwaan hotaa hai.
Nazm meN matle' maQte' kee koi pabandee naheeN hotee
Nazm ki kismeN paai jaati haiN
1: ghazal numaa nazm (who nazm jis meN ghazal jese uSooloN ko lazim rakha jaaey
2: azaad nazm (woh kalam-e-mozoN jis meN Qaafia aur radeef na hoN lakin beHr ho)
@S_ChiragH @Dawn @saviou @Qawareer @masoom_se_chahat @Rubi @Don @ADVENTURER242 @DuFFer @nelly @SUBHAANA
********************************************************