کہتے ہیں کہ سیکھنے سکھانے کی عمر کبھی نہیں گزرتی۔ اس کے لئے وقت و مملکت کی کوئی قید نہیں ہے۔ البتہ کوئی دانشمند۔۔۔ کوئی صاحب علم ۔۔۔ کوئی استاد ہونا ضروری ہے۔ ہمیں بھی ہمیشہ کچھ نہ کچھ سیکھنے کا شوق چرایا رہتا ہے۔ ضرور آپ سب کے ساتھ نہ سہی مگر اکثر کے ساتھ ایسا ہوتا ہو گا۔
ہمیں اردوپڑھنے اردو بولنے اور اردو لکھنے کا جنون ہے۔ سیکھنے سکھانے کے اس عمل میں ایک فائدہ مند بات یہ بھی ہے کہ بات کہنے کا سلیقہ آ جاتا ہے۔
مختصر یہ کہ ہم اردو کے بہانے سلیقہ سیکھنے جا رہے ہیں۔
اس سیکھنے سے آپ یہ مطلب ہر گز نہ لیجئے گا کہ یہاں حروف تہجی سیکھنے کی بات ہو رہی ہے۔ زندگی کے اسباق سیکھنے کی بات ہو رہی ہے دوستو۔
کبھی کبھی ہم کچھ ایسے جملے پڑھتے ہیں یا سنتے ہیں جن کے بارے شاید اچھے سے سمجھ نہ پاتے ہوںیا پھر یہ خواہش ہو کہ ہم جان سکیں کہ کسی دوسرے فرد نے اس بات کا کیا مطلب سمجھا ہو گا۔ ذومعنی الفاظ ۔ محاورات۔ ضرب الامثال۔ کہاوتیں کچھ بھی ہو سکتا ہے۔ اسے تبادلہ خیالات کا نام بھی دے سکتے ہیں۔اور یہ سب اسی ایک تھریڈ میں چلے گا۔
آپ منتظر ہوں گے کہ کون ہو گا استاد۔۔۔۔۔۔۔۔۔۔
استاد محترم جن کے زیر سایہ یہ علمی محفل سجائی جا رہی ہے ۔۔۔ ان سے آپ بخوبی واقف ہوں گے۔ اور وہ ہیں ہمارے تفریح میلہ کے شاعرانہ ذوق رکھنے والے
محترم @Kavi
معاملہ کچھ یوں ہے کہ
اس تھریڈ میں ممبرز کوئی جملہ کوئی لفظ یا شعر پوسٹ کریں گے اور پوچھیں گے جو پوچھنا چاہتے ہیں علم کے حوالے سے۔
زندگی کے معاملات۔۔ رہن سہن کے اصول۔ اخلاقی اور معیاری اطوار۔۔۔۔ کسی بھی معاملے پر بات کر سکتے ہیں۔
استاد محترم کی مرضی ہے کہ وہ ہم لوگوں میں سے کسی کو بھی اپنے خیال کے اظہار کے لئے دعوت دے سکتے ہیں جو کسی دوسرے ممبر نے اس تھریڈ میں کیا ہو۔
اگر آپ کسی بات سے اتفاق نہیں کرتے تو مناسب الفاظ میں اختلاف کا حق رکھتے ہیں۔
سب سے ضروری بات یہ ہے کہ اس بات کا خیال رکھا جائے کہ ادھر ادھر کی باتوں سے تھریڈ کا رخ کسی اور طرف نہ موڑا جائے۔
اس بات کا خاص خیال رکھا جائے کہ اپنے الفاظ اپنے لہجے سے کسی دوسرے فرد کی دل شکنی نہ کریں۔