Mairey bhai mai'n ney aap ka ye reply purey ghour sey perha laikin muazret key sath keh kai jaghoo'n per mai'n aap key is reply se confuse bhi huwa , phir mujhey ye khayal bhi huwa keh shayed mai'n apni is thread ko laganey key maqsed ko sahi sey wazey nahi'n ker saka hoo'n,hmmmmmmmmmmmmmm topic to boht zabardast hai chalo jab sab ne hi kuch na kuch likha hai to thora boht main b likh deta hon
ilm ek arbic word hai jiske lughvi mayne janna hote hain
isi tarha janne wale shaks ko aalim yani janne wala kehte hain
lekin ilm b 2 tarha ke hote hain
ek ilm woh jis per hamara ikhtiyaar hota hai jo hum hasil bhi kar lete hain jisse duniyavi ilm kaha jata hai
jabke dusra ilm asmani hota hai jis per hamara ikhtiyaar nahi hota or woh ilm hum kisi surat hi hasil nhi kar sakte kyunke woh sirf wahhi ke zariye hi hum tak pohonchta hai
ab agar duniyavi ilm ki baat ki jai to duniyavi ilm mustaqil mizaji nhi payi jati or is main changing ati rehti hain for example ap scientist hain to aap apni koshishon se apni tehqeeqat or tajurbaat se pehle se muqarrar kardah kisi bhi scientist ke kisi b law kisi b qanon or kisi b hudod ko change kar sakte hain or aisa tamaam fields or tamaam hi shoubon main hamen nazar araha hota hai
lekin yeh jo asmaani ilm hota hai is per insaniyat ka koi amal dhakal nahi hota koi ikhtiyar or taqat nahi hoti ke usse woh apni marzi se ratti bhar b change kar sake kyunke is ilm main jo qavaneen or jo hudud muqarrr ki gayi hoti hain woh insani nhi hoti balke alhaami hoti hain yani Allah muqarrar karta hai islye Allah kisi insaan ko yeh ikhtiyar nhi deta ke woh Allah ke banaye hoye qavaneen main changing kar sake kyunke koi b insaan Allah se behtar nhi soch sakta
or ek deen e islaam ka aalim jab ilm seekhta hai to woh Quran pak ka tarjuma seekhta hai har ayat nazil hone ka waqt jagha or reason seekhta hai or ussi ilm ko saamne rakh ker woh qurani ayaton ki tafseer o tashreeh kar rha hota hai iske ilava usse Nabi e Kareem Sallallahu Alaihi Wasallam ke tamaam masayil per jaari kiye gaye farmanaat o irshadaat sikhaye jaate hain woh tamaam kitaaben parhayi jaati hain ke jis main nabi e kareem ki ahadeesen mojod hon and thats y jab hamen koi shar'yi masla darpesh ajata hai or hum kisi aalim se rujo karte hain to woh hamen foren hi us masle ki soluotion bata deta hai or woh sirf islye us masle per pehle hi hamare Nabi Sallallahu Alaihi Wasallam ki ahadeesen mojod hoti hain yani tamaam aalimon per bhi Allah ka yeh qanon nafiz hai ke woh b apni marzi se Allah ki muqarrar kardah hudud or nafiz kardah qavaneen main apni marzi se mamoli sa b radd o badal nhi kar sakte balke woh bhi kisi b masle ki soloution ke lye wohi kuch batane per paband hain jo Allah rabbul izzat Quran main or Nabi e Kareem Sallallahu Alaihi Wasallam apni ahadeeson main bayan farma chuke hain
kyunke puri kainaat main koi shakhs chahen woh Allah ka wali ho peer ho aalim ho imaam ho ya koi aam o khaas insaan ho kisi b insaan per Allah ki wahi nazil nhi hoti yeh sharf sirf Rasoolon ko hi hasil hai kyunke Allah sirf Rasoolon se hi ham kalaam hoa hai islye Allah ki koi baat kisi Rasool ki zubani ap tak pohonchti hai to woh baat tamaam waliyon peeron imaamon molviyon or aalimon ki apne apne ilm ko saamne rakh ker bhi sochi hoi tamaam baton per foqiyat rakhti hai
lekin hamara aalimon ka sab se bara almyah hi yehi hai ke aaj koi shaks islaami talemaat hasil kar b leta hai to woh khud ko tamaam musalmanon se afzal samjh leta hai or kisi b masle per koi b faisla karte hoye bilkol b nhi darta ke Allah or uska rasool us masle per pehle hi koi faisla kar chuke hain ya koi qanon bana chuke hain balke woh khud ko aalim samjhte hoye or baqi logon ko jahil samjhte hoye aise amal ko b naik keh dete hain jise Allah or uska rasool ne naik nahi kaha hota aise amal ko b ghalt keh dete hain jisko Allah or uske rasool ne ghalt nahi kaha hota balke yeh hamari kam aqli or hamari andhi taqleed hi hai ke hum us alim se yeh tak pochne ki himmat nahi kar pate ke woh jis masle per jo baat bata raha hai Allah or uske Rasool ne b wohi baat batayi hai ya Allah or uske Rasool ki baat us aalim ki batayi hoi bat se thori boht b change hai or yeh baat na pochne ki wajah hamare pas sirf yehi hoti hai ke hum yeh soch rahe hote hain ke usne itna ilm hasil kya hai quran o hadees ke baare main itna kuch janta hai to hamen to uske muqable main kuch b nhi pata to woh hamen kisi masle per koi ghalat baat to nhi bata sakta na
jabke haqiqat iske khilaf hai us aalim ki kisi masle per jaari kya gaya farman ghalat ho hi nhi sakta agar us farmaan ke saath Allah or uske Rasool ka farmaan bhi mojod hai
lekin ussi aalim ka ussi masle per jaari kya gaya woh farmaan kisi surat sahi nhi ho sakta agar ussi masle per Allah or uske Rasool ka farman us aalim ke farman se mukhtalif hai ya us alim ke farman pe mojod nahi hai
kyunke deen e islaam ka ilm duniyavi ilm se bilkol mukhtalif hai duniyavi ilm hasil karne ke lye insaan ko ache khase waqt ki zarorat parti hai ache khase zehen ki zarorat parti hai ache khase paison ki zarorat parti hai or ek makhsos umer ki zarorat parti hai
jabke deene islaam ki taleemat seekhne ke lye aisi koi requerments nhi chahiye hoti kyunke mere khandaan main totel 13 bachen Quran hafiz hain or siyah sattah ki tamaam kitaaben parhi hoi hain or log is baat per yaqin nhi rakhte lekin yeh haqiqat hai ke mera ek cousin jo sirf 14 saal ka hai usne pura quran 10 sal ki umer main hi hifz karlya tha or abi woh sirf 14 saal ka hai lekin us ke saamne koi shaks quran ki surat ki koi b ayat parhta hai to woh zubani bata deta hai ke yeh ayat kis surat ki konse number ki ayat hai makkah hai ya madni surat hai or saath hi us ayat ka tarjuma b parh ke suna deta hai kehne ka maqsad sirf yeh hai ke deen e islaam kisi makhsos insaano ke lye to nhi laya gaya na?na sirf zaheen or dimagh rakhne walon ke lye lagaya?yeh to puri kainaat main basne waale har insaan ke lye laya gaya haina? to is kainaat main har insaan aqalmand samjhdar or zaheen to nahi hote na ke is wajah se islaami taleemat ko mushkil bana dya jata
balke kainaat main har type ke insaan hote hain koi alim hota hai koi jahil hota hai koi kam aqal hota hai koi aqalmand hota hai koi ek baat boht dair se samjhta hai to koi ek baat ko baat ke khatam hone se pehle hi samjh leta hai gharz dunya main har type ke insaan hote hain or yeh baat khuda humse behtar janta hai kyunke ussi ne hi insaano ko banaya hota hai to phir aap zara sochiye ke woh apne nazil kardah Quran ko itna mushkilk kaise bana sakta hai ke us Quran ko sirf wohi log samjh saken jo aalim ho qabil hon aqalmand hon?
khalid bin waleed kafir tha kafiron ko jang e ahad jitwane main sirf ussi ka haath tha lekin phir Allah ne usko hidayat di or usne islaam qubol karlya or phir jald hi usne qabailiyon ko islaam ki tableegh karna bhi shuro kardi
kya usne islami talemaat hasil karne ke lye 8 y 10 sal kisi madarse main guzare the? bilkol b nhi balke usko jitna pata hota tha woh bas utna hi bata dya karta tha or aise kafi naam apko aisi misaalon ke tor per nazr aayenge jin main hazrat bilal habshi umer e faroq rz abu baker saddiq or b kafi sahaba karaam jo mukammal aalim nhi the lekin phir b islaam ki tableegh kya karte the or islaam apko isi baat ka hi daras deta hai ke Allah or uske Rasool Sallallahu Alaihi Wasallam ki koi ek baat b apne suni ho usko agay pohoncha do
lekin hamari is se bari bad kismati or kya hogi ke hamen Allah or uske Rasool Sallallahu Alaihi Wasallam ki koi baat pata chalti hai to ham Allah or uske Rasool Sallallahu Alaihi Wasallam ki baat ki izzat karne ke bajai yeh soch ker hi us baat ko radd kar dete hain ke yeh baat batane wala koi aalim thori hai jo hum uski baat per yaqin karen array khuda ke bando Allah or uske Rasool Sallallahu Alaihi Wasallam ki baat batane wala kabi yeh nhi kehta ke aap uski izzat karo ya uski baat ki izzat karo woh to sirf yeh kehta hai ke khudaya ap Allah or uske Rasool SAW ki baat ki to izzat karlo phir us baat ke sunane wale per chahen jitne blame thonk dena ke woh khud ko bara alim samjhta hai khud ko boht naik samjhta hai ya khud kya sahi raste per hai etc etc lekin in sab baaton ko balaye taaq rakh ker Quran sunane wala sirf Quran hi suna raha hota hai or Hadees sunane wala Hadees hi suna raha hota hai kyunke usko is baat ki koi fikar nhi hoti ke log usko aalim samjhen jahil samjhen ya kuch b samjhen usko to sirf is baat ki fikar hoti hai ke kal ko Allah mujhe sirf isi bina per hi jahannum raseed na karde ke tere saamne Allah ke farmaanon ke khilaaf amal horhe the or tere pas ussi amal se related Allah ki nazil kardah ayat b mojod thi Muhammad Sallallahu Alaihi Wasallam ka farman e mubarak b mojod tha lekin phir b tu khamosh raha tu ne haq baat sirf islye nhi batayi ke log tujh pe nuqta cheeni karenge yeh khayal nhi aya ke tera Rab b tujhse sawal kare ga or tu ne insano ki nuqta cheeni ko Allah ke khof per Allah ke azaab per tarjeeh di thi to jaa aj bula le unhi insaano ko woh tujhko is azaab se bacha saken to bacha len
to mujhe aalimon per nuqta cheeni karne walon se sirf yeh pochna hai ke kal qayamat ke roz jab Allah us shaks ko azaab de ga jo apki nuqta cheeni karne ki wajah se logon ko quran o hadees sunane se ruk gaya tha to ap log kal us gunah ki zimmedari apne oper le ker or khud us azaab main mubtila ho ker us shaks ko Allah ke us azaab se bacha lo gay?
Dour-e-Nabvi(saww) mai'n Madni dour mai'n Masjid-e-Nabvi ek merkaz ki hasiyet rakhti thi Hazoor-e-Pak (saww) key ashaab ney jo kuch seekha barah-e-rast Allah key nabi (saww) sey seekha mai'n ney ashab-e-sufha ka woh chaboutra daikha hey jaha'n baith ker sahaba seekhney seekhaney ka amal kertey they Hazret Khalid Bin Walid(ra) ki wajha shuhret ek sapahsa lar ki hasiyet sey hey, khair maira maqsed yaha'n ek nai behas shourpo kerney ka nahi'n maira is thread ko laganey ka maqsed ye hey keh hum aisi guftago aur threads sey perhaiz krai'n jo dosroo'n ki dil azari ka bais ho baat sirf itni si hey hey keh Allah key rasool ney jo kuch kaha aur Allah ney jo kaha us se inkar ka tu sawal hi paida nahi'n hota laikin kia kab kaha gaya aur kyoo'n kaha gaya aur jo kuch mai'n perhta hoo'n uski shan-e-nazool kia thi tu woh mai'n nahi'n janta kuch batai'n quran-o-hadees mai'n bilkul wazey hai'n laikin buhat jaghoo'n per tasreeh ki zaroret hoti hey tu woh mai'n nahi'n bata sakta na woh tu koi aisa shakhs hi bataye ga jo is field sey mutaliq ho tu isi liye mai'n ney ye thread lagai keh is forum ko masaeel per baat kerney key liye istimaal na krai'n, Nabyoo'n key halat-e-zindagi baya'n kijiye tu kabhi Ummahatul momineen key barey mai'n bataiye, sahaba key halat-e-zindagi share kijiye aayat aur aahadees share kijiye laikin us ki tashreeh aur tafseer baya'n ker key ye sabit kerney ki koshish na kijiye key in ki rooh se fala'n sahi hey aur fala'n ghalat ye forum sub key liye hey aur yaha'n aisi batai'n jo ek dosrey ko qareeb laney ki bajaye diloo'n drarai'n dalai'n kerna munasib nahi'n ye maqsed hey is thread ka.
Aap ney is thread mai'n comments kiye is key liye mai'n intihai mashkoor hoo'n
Allah aap ko hamaisha khush aur salamet rakhey
Ameen